Гэта мерапрыемства накіравана на папярэджанне дарожна-транспартных здарэнняў з удзелам пешаходаў. Неабходнасць правядзення адпаведнай прафілактычнай работы абумоўлена той акалічнасцю, што ДТЗ з удзелам пешых удзельнікаў дарожнага руху традыцыйна застаюцца аднымі з самых распаўсюджаных на тэрыторыі вобласці, якія, як правіла, маюць цяжкія наступствы для іх удзельнікаў.
Так, у 2022 годзе на тэрыторыі Віцебскай вобласці з удзелам пешаходаў учынена 135 дарожна-транспартных здарэнняў, у якіх 31 чалавек загінуў і 111 атрымалі траўмы рознай ступені цяжкасці.
Асноўнымі прычынамі дарожна-транспартнага траўматызму пешаходаў станавіцца трывіяльнае ігнараванне апошнімі Правіл дарожнага руху. Самымі распаўсюджанымі парушэннямі сярод пешаходаў з'яўляюцца: перасячэнне праезнай часткі ў неўстаноўленым месцы, нечаканы выхад на праезную частку дарогі з-за транспартнага сродка, збудаванняў, дрэў або іншых перашкод, рух па краі праезнай часткі ў спадарожным напрамку аўтамабіляў, невыкарыстанне святловяртальных элементаў. Вялікая колькасць ДТЗ з пешаходамі тлумачыцца не столькі няведаннем імі Правілаў дарожнага руху, колькі адсутнасцю належнай самадысцыпліны, а ў шэрагу выпадкаў проста агрэсіўных паводзін на вуліцы. Даследаванні спецыялістаў паказваюць, што ў 90 працэнтах выпадкаў пешаходы парушаюць ПДР свядома. У сувязі з гэтым, Дзяржаўтаінспекцыя рэкамендуе пешым удзельнікам дарожнага руху павышаць асабістую адказнасць за паводзінамі на дарозе, развіваць навыкі пастаяннага кантролю за змяненнем дарожнага становішча, вывучаць ПДР у частцы іх датычнай (правы і абавязкі пешаходаў замацаваны ў главе 4 ПДР).
Яшчэ адным з фактараў, якія садзейнічаюць учыненню ДТЗ з удзелам пешых удзельнікаў дарожнага руху, з'яўляецца ігнараванне вадзіцелямі правілаў праезду пешаходных пераходаў, а таксама скрыжаванняў. Дзяржаўтаінспекцыя нагадвае вадзіцелям, што на нерэгулюемых пешаходных пераходах вадзіцель транспартнага сродка абавязаны ўступіць дарогу пешаходам, якія пераходзяць па іх праезную частку дарогі. Згодна з Правіламі, калі перад пешаходным пераходам спыніўся або замарудзіў рух транспартны сродак, то вадзіцелі іншых транспартных сродкаў, якія рухаюцца па суседніх палосах у спадарожным напрамку, могуць працягваць рух, толькі пераканаўшыся, што перад гэтым транспартным сродкам няма пешаходаў. Таксама, вадзіцелям трэба кіравацца тым правілам, што пры павароце налева або направа яны абавязаны ўступаць дарогу пешаходам, якія пераходзяць праезную частку дарогі па пешаходных пераходах, а пры іх адсутнасці па лініях тратуараў або абочын.
АДАІ Наваполацкага ГАУС заклікае ўсіх удзельнікаў дарожнага руху ўзаемапаважліва ставіцца адзін да аднаго, быць вельмі ўважлівымі на дарозе, асабліва ў цёмны час сутак і пры яе недастатковай бачнасці, а таксама строга выконваць ПДР.
211440, Віцебская вобл., г. Наваполацк, вул. Маладзёжная, 74
