Наваполацк сёння

Сёння горад Наваполацк - адзін з найбуйнейшых у Беларусі і краінах СНД цэнтраў нафтахімічнай прамысловасці, а таксама адзін з найбуйнейшых індустрыяльных, навукова-адукацыйных цэнтраў Рэспублікі Беларусь. Горад Наваполацк размешчаны на паўночным усходзе Рэспублікі Беларусь, у паўночна-заходняй частцы Віцебскай вобласці, у 110 км ад Віцебска і ў 250 км ад Мінска, у 80 км ад мяжы з Латвіяй і 120 км ад мяжы з Літвой.

Витебская область Новополоцк

Дата нараджэння г.Наваполацка - 7 чэрвеня 1958 года (гістарычная даведка).

Тэрыторыя горада Наваполацка складае 5,7 тыс. га. Агульная колькасць насельніцтва - 98,8 тыс. чалавек.

Жыллёвы фонд на 01.01.2020: шматкватэрныя жылыя дамы - 452, блакіраваныя - 133, аднакватэрныя - 1023, інтэрнаты - 32.

Гандлёвая сетка - 16 гандлёвых цэнтраў, 434 крамы, 3 рынка.

Аб'екты грамадскага харчавання - 122, у тым ліку 4 рэстарана.

98 прамысловых прадпрыемстваў, 67 будаўнічых арганізацый, 42 транспартныя арганізацыі, 212 суб'ектаў рознічнага і аптовага гандлю.

3259 суб'ектаў гаспадарання розных форм уласнасці: 849 юрыдычных асобы, 2410 індывідуальныя прадпрымальнікі.

Найбольш буйныя прадпрыемствы, якія вядомы далёка за межамі горада - гэта ААТ «Нафтан», завод «Палімір» ААТ «Нафтан», СТАА «ЛЛК-НАФТАН», філіял «Наваполацкжалезабетон», ААТ «Крычаўцэментнашыфер», ААТ «Вымяральнік» , ААТ «Полацктранснафта Дружба», РУП СД-Транс.

Для падрыхтоўкі спецыялістаў сярэдняга звяна працуюць: політэхнічны і музычны каледжы, ліцэй будаўнікоў.

Сетка ўстаноў аховы здароўя горада:

  • Наваполацкая цэнтральная гарадская бальніца - 543 койкі;
  • Наваполацкая бальніца сястрынскага догляду - 90 ложкаў, з іх 15 ложкаў аказання паліятыўнай медыцынскай дапамогі;
  • радзільны дом - 179 ложкаў;
  • паліклініка № 1 на 870 наведванняў у змену;
  • паліклініка № 4 на 450 наведванняў у змену;
  • стаматалагічная паліклініка на 470 наведванняў у змену;
  • дзіцячая паліклініка на 420 наведванняў у змену;
  • скурна-венералагічны дыспансер на 125 наведванняў у змену і стацыянар на 47 ложкаў;
  • псіханеўралагічны дыспансер на 100 наведванняў у змену;
  • процітуберкулёзны дыспансер на 100 наведванняў у змену;
  • станцыя пералівання крыві, станцыя хуткай медыцынскай дапамогі.

Першасная медыка-санітарная дапамога жыхарам гарадскога пасёлка Баравуха і прымацаванаму Полацкаму раёну аказваецца на базе Баравухскай амбулаторыі ўрача агульнай практыкі на 50 наведванняў у змену, у структуру якой уваходзяць фельчарска-акушэрскія пункты: Гваздоўскі, Мацюшэўскі, Азiнскi, Кушлiкоўскi. Медыцынская дапамога аказваецца таксама ў Бяздзедавіцкай бальніцы сястрынскага догляду на 25 ложкаў з медычнай амбулаторыі на 25 наведванняў у змену.

Спорт у Наваполацку: 305 спартовых аб'ектаў, 5 плавальных басейнаў, стадыён на 4522 месцы, спарткомплекс «Атлант», спартыўны комплекс ААТ «Нафтан», спартклуб «Бадзёрасць», 7 спецыялізаваных дзіцяча-юнацкіх школ алімпійскага рэзерву, установа «Фізкультурна спартыўны клуб г. Наваполацка», установа адукацыі «Наваполацкае дзяржаўнае вучылішча алімпійскага рэзерву», спартыўная ўстанова «Хакейны клуб «Хімік».

Сфера адукацыі горада ўключае 1 вышэйшую, 1 сярэднюю спецыяльную і 3 прафесійна-тэхнічных навучальных установы, ліцэй, 2 гімназіі, 11 сярэдніх агульнаадукацыйных школ, базавую школу, 34 дашкольных установы.

У ведамстве аддзела адукацыі: Палац дзяцей і моладзі, міжшкольны цэнтр дапрызыўнай падрыхтоўкі, фізкультурна-спартыўны цэнтр дзяцей і моладзі, цэнтр карэкцыйна-развіваючага навучання і рэабілітацыі, сацыяльна-педагагічны цэнтр, гарадскі дыгітальны цэнтр «IT-Акадэмія «Нота», аздараўленчы лагер «Ізумрудны».

Сістэму вышэйшай адукацыі ў нашым горадзе прадстаўляе Полацкі дзяржаўны ўніверсітэт, у якім навучаюцца па дзённай і завочнай форме навучання больш за 10 тыс. студэнтаў на 7 факультэтах па 45 спецыяльнасцях. Па аб'ёме навуковых даследаванняў, выконваемых па заказах прамысловасці, універсітэт уваходзіць у шэраг вядучых ВНУ краіны.

Сфера культуры г.Наваполацка прадстаўлена Цэнтрам культуры, Палацам культуры ААТ «Нафтан», музеем гісторыі і культуры, цэнтрам рамёстваў і традыцыйнай культуры, цэнтралізаванай бібліятэчнай сістэмай, 3 школамі мастацтваў, кінатэатрам «Мінск», паркам культуры і адпачынку.

Паслугі па пражыванні прапаноўваюць: гасцініца «Беларусь»**, гасцініца «Нафтан»***, гасцініца «Дружба», гасцініца «Бізнес-цэнтр», гасцініца «Кентаўр».

З нашым горадам звязаны лёсы многіх людзей, вядомых не толькі ў Беларусі: пісьменнікі і паэты, дзеячы навукі, мастацтва, спорту, заслужаныя кіраўнікі прамысловых прадпрыемстваў.

Горад падтрымлівае гандлёва-эканамічныя адносіны з 9 краінамі СНД і больш чым з 40 дзяржавамі далёкага замежжа. Доўгатэрміновыя партнёрскія адносіны звязваюць Наваполацк з гарадамі-пабрацімамі: Адзінцова, Арэхава-Зуева, Кстова, Пушкін і Паўлаўск, Электрасталь, Курск, Дзмітраўскі раён г.Масквы - у Расіі; Скадоўск - ва Украіне; Жывор, Шоффай - у Францыі; Плоцк, Гданьск, Астравец-Свентакшыскi - у Польшчы; Мажэйкяй - у Літве; Вэйхай - у Кітаі; Лудза, Вентспілс, Смiлцене - у Латвіі, Крушэвац, Ніш - у Сербіі.

Last modified on 25.06.21
Інтэрнэт-рэсурсы