афіцыйны сайт НАВАПОЛАЦК Наваполацкі гарадскі выканаўчы камітэт

Вызначаны лаўрэаты абласной прэміі «Чалавек года Віцебшчыны - 2021». Сярод тых, каго адзначылі высокім званнем, трое навапалачан. Гэта: 

• Віктар КАРПЕЗА, слесар-рамонтнік завода «Палімір» ААТ «Нафтан».

• Мікалай КАЛТУНАЎ, старшы вытворца работ УМ №141 ААТ «Будаўніча-мантажны трэст №16, г.Наваполацк».

• Уладзіслаў КОНАХАЎ, студэнт 4-га курса механіка-тэхналагічнага факультэта Полацкага дзяржуніверсітэта.

Усяго ў ліку лаўрэатаў прэміі "Чалавек года Віцебшчыны - 2021" – 50 жыхароў Прыдзвінскага краю. Гэта прадстаўнікі розных сфер, якія ўнеслі важкі ўклад у сацыяльна-эканамічнае развіццё сваёй малой радзімы, нашага рэгіёна і ўсёй краіны па выніках мінулага года.

Дарэчы, ганаровае званне "Чалавек года Віцебшчыны" прысвойваецца ў вобласці з 2009 года, каб заахвоціць людзей за заслугі. Лепшыя прадстаўнікі рэгіёну атрымліваюць дыпломы лаўрэатаў, нагрудны знак "Чалавек года Віцебшчыны" і грашовую прэмію. Акрамя таго, білборды з іх фатаграфіямі на працягу года ўпрыгожваюць населеныя пункты вобласці.

Тэлеканал "Звязда"