З 24 па 30 студзеня Дзяржаўтаінспекцыя Віцебскай вобласці правядзе "Тыдзень бяспекі". Гэта мерапрыемства накіравана на папярэджанне дзіцячага дарожна-транспартнага траўматызму.
У 2021 годзе на тэрыторыі Віцебскай вобласці зарэгістравана 40 аварый з удзелам дзяцей, у якіх 40 непаўналетніх атрымалі раненні, 4 - загінулі. З пачатку 2022 года зарэгістравана 1 ДТЗ, у якім пацярпела дзіця. Аварыя адбылася 12 студзеня ў Докшыцах. 7-гадовы школьнік трапіў пад колы аўто, перасякаючы праезную частку дарогі па нерэгулюемым пешаходным пераходзе. З атрыманымі цялеснымі пашкоджаннямі непаўналетні быў шпіталізаваны.
Супрацоўнікі ДАІ Віцебскай вобласці наведаюць сады, школы, каледжы, універсітэты для таго, каб нагадаць навучэнцам, іх бацькам, а таксама педагогам аб важнасці захавання Правілаў дарожнага руху паблізу праезнай часткі.
Выкананне ПДР усімі ўдзельнікамі дарожнага руху гарантуе зніжэнне аварыйнасці на дарогах.
Беражыце сябе і дзяцей!!
211440, Віцебская вобл., г. Наваполацк, вул. Маладзёжная, 74
