У сувязі са складанымі ўмовамі надвор'я пачасціліся выпадкі зваротаў грамадзян у арганізацыі аховы здароўя г.Наваполацка з прычыны атрымання галалёдных траўм (больш за 90 выпадкаў з 1 студзеня 2022г). Абсалютнай большасці галалёдных траўм можна было б пазбегнуць, калі б людзі ставіліся да свайго здароўя больш уважліва...
Бо для таго каб атрымаць такую траўму, дастаткова адной секунды, а лячыцца даводзіцца часам месяцамі. Таму прафілактыка гэтага віду траўм – задача, перш за ўсё, саміх грамадзян, якія яшчэ не сталі пацыентамі.
Запомніце!
- у перыяд галалёду неабходна выконваць асцярожнасць, перасоўвацца павольна, кароткімі крокамі;
- абутак павінен адпавядаць надвор'ю. Пажадана, каб падэшва была рабрыстай. Жанчынам трэба на час галалёду цалкам адмовіцца ад высокіх абцасаў і шпілек.
Калі вы ўпалі:
- неабходна выконваць спакой і ні ў якім разе не спрабаваць адразу ўстаць, асабліва на пашкоджаную канечнасць. Спачатку трэба вызначыць, што менавіта ў вас траўміравана;
- катэгарычна забаронена спрабаваць займацца самалячэннем: напрыклад, спрабаваць самастойна ўправіць вывіх ці тым больш пералом прама на месцы здарэння. Гэта павінен рабіць толькі спецыяліст;
- калі вы адчуваеце, што пасля падзення не можаце падняцца на ногі, неабходна дастаць мабільны тэлефон і патэлефанаваць у службу 103, расказаць яе спецыялістам аб сітуацыі. Калі вы не можаце патэлефанаваць самі - паклічце каго-небудзь на дапамогу.
Асцярожнасць і ўважлівасць - лепшая прафілактыка зімовых траўм!
Аляксандр СПІРКОЎ,
галоўны дзяржаўны санітарны ўрач горада Наваполацка
211440, Віцебская вобл., г. Наваполацк, вул. Маладзёжная, 74
