З 25 лістапада ў Наваполацкім аддзяленні па грамадзянстве і міграцыі пачалі аказваць паслугі па выдачы і абмене біяметрычных дакументаў з выездам на дом да заяўніка. Скарыстаць іх могуць жыхары Наваполацка, Полацка і Полацкага раёна.
Супрацоўнікі АГІМ могуць прыехаць па месцы жыхарства як для афармлення любых біяметрычных дакументаў, так і для іх выдачы. Можна зрабіць індывідуальную заяўку на аднаго чалавека ці адразу на ўсю сям'ю. Паслугі аказваюцца на платнай аснове, а іх кошт вар'іруецца ад 5 да 60 рублёў.
Больш падрабязна з пералікам і велічынёй платы па кожнай пазіцыі, парадкам яе ўнясення можна азнаёміцца ў аддзяленні па грамадзянстве і міграцыі Наваполацкага ГАУС.
211440, Віцебская вобл., г. Наваполацк, вул. Маладзёжная, 74
