У выпадку неабходнасці арганізацыямі гандлю прымаюцца меры па стварэнню запасаў тавараў для забеспячэння бесперабойнага гандлю таварамі.
Наваполацкім гарадскім выканаўчым камітэтам на пастаяннай аснове вядзецца работа па правядзенні кантрольных мерапрыемстваў у гандлёвых аб'ектах, у тым ліку накіраваная на забеспячэнне дастатковага асартыменту тавараў. На працягу 2024 года праведзены кантрольныя мерапрыемствы ў сарака чатырох аб'ектах на прадмет выканання патрабаванняў заканадаўства ў сферы гандлю, у тым ліку норм пастановы Міністэрства антыманапольнага рэгулявання і гандлю Рэспублікі Беларусь ад 19 лістапада 2020 г. № 74 «Аб пераліках тавараў», захавання асартыментнага пераліку тавараў, якія павінны быць у продажы ў гандлёвым аб'екце пастаянна або на працягу пэўнага перыяду.
Невыкананне асартыментнага пераліку тавараў на момант правядзення маніторынгу ўстаноўлена ў васемнаццаці гандлёвых аб'ектах. У адрас суб'ектаў гаспадарання, якія дапусцілі парушэнні патрабаванняў заканадаўства, накіраваны рэкамендацыі аб устараненні выяўленых парушэнняў (недахопаў).
У мэтах кантролю за выкананнем заканадаўства аб цэнах і цэнаўтварэнні, у сарака чатырох аб'ектах гандлю розных форм уласнасці прааналізаваны ўзровень прымяняемых гандлёвых надбавак на тавары. У выніку аналізу прадстаўленых дакументаў устаноўлена парушэнне заканадаўства аб цэнаўтварэнні ў дзесяці аб'ектах гандлю, службовыя асобы прыцягнуты да адміністрацыйнай адказнасці.
211440, Віцебская вобл., г. Наваполацк, вул. Маладзёжная, 74
