Каб атрымаць ордэр, неабходна звярнуцца па дазвол у бліжэйшае лясніцтва. Дзеля гэтага трэба прыйсці ў арганізацыю разам з пашпартам і на месцы напісаць заяўку на рубку. Адзначым, што кошт можа мяняцца ў залежнасці ад некаторых фактараў, напрыклад, ад пароды дрэва. Пасля таго як рахунак аплачаны, грамадзянін атрымлівае ордэр, у якім паказваюцца тэрміны заканчэння нарыхтоўкі і вывазкі драўніны, спосаб ачысткі пасекі.
Работнік лясной гаспадаркі сам адвядзе на пэўны лясны ўчастак і пакажа дрэвы для высечкі (на іх ёсць спецыяльныя адзнакі). Транспарт і прылады для нарыхтоўкі драўніны не падаюцца - чалавек самастойна павінен пра гэта паклапаціцца. Звычайна на такую працу даюць месяц. Калі дровы нарыхтаваны, неабходна зноў звярнуцца ў лясніцтва, каб работнік лясной гаспадаркі замераў нарыхтаваную драўніну, пасля чаго будзе дазволена яе вывазка.
Па дадатковую інфармацыю або пра факты браканьерства просім звяртацца ў Полацкую міжраённую інспекцыю аховы жывёльнага і расліннага свету пры Прэзідэнце Рэспублікі Беларусь. Тэлефон: 77-43-27.
211440, Віцебская вобл., г. Наваполацк, вул. Маладзёжная, 74
