Супрацоўнікі Дзяржаўтаінспекцыі наведаюць працоўныя калектывы і ўстановы адукацыі, дзе нагадаюць правілы бяспечных паводзін у цёмны час сутак, растлумачаць неабходнасць і правілы выкарыстання святлоадбіўных элементаў і адзення павышанай бачнасці.
ДАІ нагадвае, што пешаход пры руху па краі праезнай часткі або ўзбочыне ў цемры павінен выкарыстоўваць святлоадбіўныя элементы. Пазначыць сябе ў цёмны час сутак павінны таксама веласіпедысты і асобы на сродках персанальнай мабільнасці.
Вадзіцелям у сваю чаргу важна праяўляць павышаную ўвагу пры праездзе пешаходных пераходаў і руху па трасах паблізу ад населеных пунктаў, выконваць хуткасныя абмежаванні і правілы манеўравання.
Аддзел ДАІ Наваполацкага ГАУС
211440, Віцебская вобл., г. Наваполацк, вул. Маладзёжная, 74
