Да месца здарэння неадкладна выехалі падраздзяленні МНС. Як высветлілася пазней, мужчына 1974 года нараджэння выйшаў на неакрэплы лёд, каб парыбачыць, і, адышоўшы ад берага на адлегласць каля 30 метраў, праваліўся. Ратавальнікі і работнікі АСВОД абследавалі акваторыю ў раёне палонкі. Спачатку са дна вынялі свідар і скрыню з рыбалоўнымі снасцямі, а крыху пазней і самога ўладальніка рыбацкай амуніцыі. На жаль, мужчына не паклапаціўся аб выратавальнай камізэльцы, магчыма, гэта і стала спадарожным фактарам яго гібелі, як і выхад на тонкі, неакрэплы лёд.
Падобныя гісторыі з сумным канцом, нягледзячы на пастаянныя папярэджанні ратавальнікаў, адбываюцца штогод. Толькі за лістапад 2022 - сакавік 2023 года ў вобласці патанулі 6 чалавек.
Работнікі МНС нагадваюць: не варта выходзіць на лёд, калі яго таўшчыня меншая за 7 см. Надзейнасць далікатнага залюстроўя можна вызначыць па колеры. Калі лёд матава-белы ці жаўтлявы, то ён вельмі ненадзейны. Самы трывалы лёд - ад сіняга да празрыстага. Таксама аматарам рыбалкі варта абавязкова надзець выратавальную камізэльку і ўзяць з сабой нож ці цвік, які ў выпадку экстранай сітуацыі можа паслужыць кіркай.
Таксама ратавальнікі нагадваюць бацькам аб неабходнасці папярэдзіць дзяцей аб небяспецы тонкага лёду і просяць не пакідаць іх без нагляду каля вадаёма, бо цікаўнасць, адсутнасць жыццёвага вопыту плюс поўная бясстрашнасць штурхаюць дзяцей на бестурботныя ўчынкі.
Каб пазбегнуць трагедыі, неабходна выконваць правілы бяспекі:
- ні ў якім разе не адпускаць дзяцей адных на лёд (на рыбалку, катанне на лыжах, каньках);
- перш чым выйсці на лёд, пераканайцеся ў яго трываласці. Чалавек можа загінуць у вадзе ў выніку ўтаплення, халадовага шоку, а таксама ад пераахаладжэння праз 15 - 20 хвілін пасля траплення ў ледзяную ваду;
- выкарыстоўвайце знаходжаныя сцежкі па лёдзе. Пры іх адсутнасці, стоячы на беразе, азначце маршрут руху, вазьміце з сабой моцную доўгую палку, абыходзіце падазроныя месцы;
- у выпадку з'яўлення тыповых прыкмет нетрываласці лёду: трэск, прагінанне, вада на паверхні лёду, неадкладна вярніцеся на бераг, ідзіце шырока расстаўленымі нагамі, не адрываючы іх ад паверхні лёду, у крайнім выпадку - паўзіце;
- выключыце выпадкі знаходжання на лёдзе ў дрэннае надвор'е: туман, снегапад, дождж, а таксама ноччу;
- ніколі не правярайце трываласць лёду ударам нагі.
Калі на вашых вачах чалавек праваліўся пад лёд, то неадкладна тэлефануйце ратавальнікам па тэлефонах 101 або 112. Выконвайце правілы бяспекі, беражыце сябе і сваіх блізкіх.
Раман Грэк,
інспектар сектара прапаганды
і ўзаемадзеяння з грамадскасцю
Наваполацкага ГАНС
211440, Віцебская вобл., г. Наваполацк, вул. Маладзёжная, 74
