Так, у суд г. Наваполацка звярнуўся грамадзянін Л. са скаргай на рашэнне камісіі па прызначэнні пенсіі Наваполацкага гарадскога выканаўчага камітэта (далей Камісія) аб адмове ў прызначэнні пенсіі за працу з асаблівымі ўмовамі працы, у якасці трактарыста-машыніста, занятага ў вытворчасці сельскагаспадарчай прадукцыі .
Грамадзянін Л. з 1985 года па 2005 год адпрацаваў трактарыст-машыністам у калгасе ім. Калініна Глыбоцкага раёна, калгасе «Зара» (СВК «Мацюшы» Полацкага раёна), быў непасрэдна заняты ў вытворчасці сельскагаспадарчай прадукцыі ў калгасе, кіраваў трактарамі ў агрэгаце з прычапнымі машынамі, кіраваў камбайнамі, самаходнымі машынамі, меў кваліфікацыю трактарыст-машыніст 3 класа, слесара 2 разраду, праходзіў навучанне па прафесіі механізатар, акрамя таго меў пасведчанне трактарыст-машыніста, неаднаразова заахвочваўся калгасам у выглядзе прэмій, займаў першыя месцы па ўборцы ўраджаю, у сувязі з чым грамадзянін Л. быў перакананы, што адпрацаваўшы больш за 20 гадоў у калгасе мае права на пенсію за работу з асаблівымі ўмовамі працы ў якасці трактарыста-машыніста, занятага ў вытворчасці сельскагаспадарчай прадукцыі.
Грамадзянін Л. двойчы звяртаўся ў Камісію для прызначэння пенсіі за працу ў асаблівых умовах працы, аднак Камісіяй было адмоўлена ў сувязі з адсутнасцю дакументаў, якія пацвярджаюць неабходны спецыяльны стаж, устаноўлены заканадаўствам - не менш за 20 гадоў (пры гэтым не менш за 10 гадоў у перыяд да 1 студзеня 2009 года).
СВК «Мацюшы» Полацкага раёна ліквідаваны ў 2018 годзе, у архіўных дакументах адсутнічаюць дакументы неабходныя для пацверджання спецыяльнага стажу.
Грамадзянін Л. абскардзіў адмову Камісіі ў вышэйстаячы орган, дзе таксама атрымаў адмову.
Суд г. Наваполацка, у судовым пасяджэнні ўстанавіў у ходзе апытання сведкаў, тлумачэнняў спецыяліста, даследуючы пенсійныя справы і існуючыя дакументы, што на падставе распараджэння Мінсельгасхарча Рэспублікі Беларусь №103-1/11-140 ад 05.10.1992 «Аб творы наймення- машыніста ў адпаведнасці з агульнасаюзным класіфікатарам» грамадзяніну Л. не быў унесены запіс у працоўную кніжку аб перайменаванні прафесіі на падставе вышэйпаказанага распараджэння. 27.04.2023 судом г. Наваполацка скарга Л. была задаволена і пастаноўлена абавязаць Упраўленне па працы, занятасці і сацыяльнай абароне Наваполацкага гарвыканкама прызначыць пенсію грамадзяніну Л. па ўзросце за работу з асаблівымі ўмовамі працы ў адпаведнасці з пунктам «д» артыкула 12 Закона Рэспублікі Беларусь «Аб пенсійным забеспячэнні» ад 17.04.1992 №1596-ХII па прафесіі трактарыст-машыніст, занятага ў вытворчасці сельскагаспадарчай прадукцыі на працягу поўнага працоўнага дня.
Рашэнне суда не абскарджана і набыло законную моц.
Таццяна Хрыпач,
суддзя суда
г.Наваполацка
211440, Віцебская вобл., г. Наваполацк, вул. Маладзёжная, 74
