Так, на мытных пастах Віцебскай мытні асабовым складам мытні, якія праводзяць мытны кантроль, грамадзянам, якія перасякаюць мытную мяжу, тлумачыцца неабходнасць выканання заканадаўства, якое рэгламентуе парадак перамяшчэння лекавых прэпаратаў, якія змяшчаюць у сваім складзе псіхатропныя рэчывы і наркатычныя сродкі. Асаблівы акцэнт надаецца катэгорыі грамадзян пажылога ўзросту, якія ў сваёй большасці маюць хранічныя захворванні і ўвесь час пры сабе маюць лекавыя прэпараты.
Таксама для гэтых мэт устаноўлены інфармацыйныя стэнды ў месцах уезду (выезду) на мытную тэрыторыю ЕАЭС і інфармацыйныя табло з бягучым радком з растлумачэннем патрабаванняў заканадаўства і ступені адказнасці за незаконнае перамяшчэнне лекавых прэпаратаў, якія змяшчаюць у сваім складзе наркатычныя сродкі, псіхатропныя рэчывы. Дадаткова ў мэтах прафілактыкі ажыццяўляюцца публікацыі ў СМІ на дадзеную тэму і праводзіцца інфармацыйна-тлумачальная работа з моладдзю Віцебскай вобласці шляхам сустрэч са студэнтамі вышэйшых навучальных устаноў рэгіёна, старшакласнікамі ўстаноў адукацыі.
Акрамя таго, Віцебская мытня нагадвае, што за дзеянні, звязаныя з незаконным абаротам наркатычных сродкаў, псіхатропных рэчываў, іх аналагаў і прэкурсораў прадугледжана крымінальная адказнасць.
Па матэрыялах Віцебскай мытні
211440, Віцебская вобл., г. Наваполацк, вул. Маладзёжная, 74
