Маладому пакаленню пашчасціла нарадзіцца і вырасці ў суверэннай краіне, дзе кожнаму чалавеку гарантавана права на годнае і мірнае жыццё, дзе людзі моцныя адзінствам, ушаноўваюць сваю гісторыю і паважаюць памяць продкаў.
Маладосць і юнацкасць - самы цудоўны час у жыцці кожнага чалавека, ён напоўнены надзеяй і грандыёзнымі планамі, здабыццём сапраўдных сяброў і выбарам жыццёвых арыенціраў. Менавіта вам, крэатыўным і энергічным, трэба будзе вызначаць далейшы лёс не толькі сваёй малой радзімы, але і будучыню нашай любімай Беларусі. Для вас адчыненыя ўсе дзверы!
На працягу усяго года Наваполацк будзе цэнтральнай пляцоўкай правядзення разнастайных мерапрыемстваў для моладзі і тых, хто працуе ў сферы рэалізацыі дзяржаўнай маладзёжнай палітыкі. Сёння грамадства ўскладае на вас вялікія надзеі, бо новае аблічча эканомікі, культурнага і грамадскага жыцця краіны шмат у чым будзе залежаць ад арганічнага ўключэння маладога пакалення грамадзян у вырашэнне самых адказных і складаных задач.
Мы шчыра дзякуем усім, хто аказаў высокі давер Наваполацку і даў магчымасць называцца маладзёжнай сталіцай Рэспублікі Беларусь 2023 года. Перакананы, што сумеснымі намаганнямі мы зробім шмат, а рэалізацыя задуманых планаў і ініцыятыў стане дастойным укладам у развіццё маладзёжнага руху ўсёй Беларусі.
Жадаем усім плённай працы, новых сяброў і далейшых поспехаў на жыццёвым шляху!
Дзмітрый Дзямідаў,
член Савета Рэспублікі
Нацыянальнага сходу
Рэспублікі Беларусь,
старшыня Наваполацкага
гарвыканкама
Алег БУЕВІЧ,
старшыня
Наваполацкага гарадскога
Савета дэпутатаў
211440, Віцебская вобл., г. Наваполацк, вул. Маладзёжная, 74
