З пачатку года на тэрыторыі Віцебскай вобласці зарэгістравана 84 ДТЗ з удзелам пешаходаў, у якіх 16 чалавек загінула, 70 атрымалі раненні. З пачатку месяца на Віцебшчыне адбылося 4 ДТЗ з удзелам пешаходаў, у якіх 4 чалавекі паранены, 1 з іх - непаўналетні. З мэтай прадухілення такіх трагедый, 12 кастрычніка Дзяржаўтаінспекцыя правядзе комплекс прафілактычных мерапрыемстваў "Пастой пешаход - не спяшайся пад колы!", накіраваных на прафілактыку ДТЗ з удзелам уразлівых удзельнікаў дарожнага руху. Супрацоўнікі АДАІ Наваполацкага ГАУС у гэты дзень правядуць прафілактычныя сустрэчы ў працоўных калектывах, будуць праводзіцца рэйдавыя мерапрыемствы, пры якіх намаганні будуць сканцэнтраваны на выкананні ПДР уразлівымі ўдзельнікамі дарожнага руху пераважна паблізу пешаходных пераходаў. Будзьце пільныя! Беражыце сябе!
211440, Віцебская вобл., г. Наваполацк, вул. Маладзёжная, 74
