У Наваполацку вельмі мала прыватнага сектара, і пераважная большасць грамадзян пражываюць у шматпавярхоўках. І для многіх людзей з узростам, здавалася б, простая задача, памыць у кватэры акно, становіцца праблемай, асабліва калі пражываеш на дзявятым паверсе. Атрымаўшы ад тэрытарыяльнага цэнтра сацыяльнага абслугоўвання насельніцтва спісы тых, хто мае патрэбу, ратавальнікі сабралі каманду юных ратавальнікаў і прыняліся за работу. Як аказалася, у добрай кампаніі гэта зусім не сумная праца, асабліва калі яна суправаджаецца цікавымі бабулінымі гісторыямі, а ў канцы цябе чакае чаяванне з хатнімі смачнасцямі. Рабяты з задавальненнем дзяліліся сваімі гісторыямі і час праляцеў неўзаметку. Вельмі прыемна было атрымліваць словы падзякі ад пажылых грамадзян, а яны, у сваю чаргу, атрымалі не толькі чыстыя вокны, але і брашуры з парадамі па бяспецы.
211440, Віцебская вобл., г. Наваполацк, вул. Маладзёжная, 74
