афіцыйны сайт НАВАПОЛАЦК Наваполацкі гарадскі выканаўчы камітэт

Перасяленне беспрацоўных і членаў іх сем'яў на новае месца жыхарства і работы ажыццяўляецца ў выпадку прадастаўлення беспрацоўным работы ў іншай мясцовасці (іншым населеным пункце па існуючым адміністрацыйна-тэрытарыяльным дзяленні) у мэтах садзейнічання іх занятасці, забеспячэння наймальнікаў работнікамі і ажыццяўляецца на добраахвотных пачатках у межах Рэспублікі Беларусь.

Інфармацыя аб наяўнасці свабодных працоўных месцаў для перасялення беспрацоўных з прадастаўленнем жылля змяшчаецца ў агульнарэспубліканскім банку даных аб наяўнасці свабодных працоўных месцаў (вакансій) на сайце Міністэрства працы і сацыяльнай абароны Рэспублікі Беларусь gsz.gov.by.

Беспрацоўным, пераязджаючым на новае месца жыхарства па накіраванні дзяржаўнай службы занятасці і заключыўшым дагавор, ажыццяўляецца выплата грашовых сродкаў у памеры сяміразовай велічыні бюджэту пражытачнага мінімуму ў сярэднім на душу насельніцтва, якое дзейнічае на дату працаўладкавання. Дадаткова робіцца выплата грашовых сродкаў у памеры двухразовай велічыні бюджэту пражытачнага мінімуму пры перасяленні беспрацоўных з гарадоў на новае месца жыхарства і работы ў малыя, сярэднія гарадскія паселішчы, у сельскую мясцовасць, а таксама гарады-спадарожнікі.

Пры перасяленні на новае месца жыхарства беспрацоўнага, у складзе сям'і якога некалькі беспрацоўных, сяміразовая велічыня бюджэту пражытачнага мінімуму выплачваецца кожнаму з іх пры ўмове заключэння з імі дамовы на перасяленне і працаўладкаванне.

Названыя выплаты ажыццяўляюцца дзяржаўнай службай занятасці па месцы знаходжання наймальніка.

У адпаведнасці з дамовай беспрацоўны абавязаны прапрацаваць у наймальніка не менш за адзін год.

Грамадзяне могуць скарыстацца паслугай перасялення па накіраванні дзяржаўнай службы занятасці з выдзяленнем грашовых сродкаў толькі адзін раз.

Больш падрабязную інфармацыю можна атрымаць у аддзеле занятасці насельніцтва ўпраўлення па працы, занятасці і сацыяльнай абароне Наваполацкага гарадскога выканаўчага камітэта па адрасе: г. Наваполацк, вул. Маладзёжная, 74, кабінет № 122, кантактны тэлефон 75 10 23.